У аўторак пачнецца суд над былым гендырэктарам „Барысаўдрэва”

Судовы працэс па крымінальнай справе былога кіраўніка „Барысаўдрэва” пачнецца 23 верасьня ў Менскім абласным судзе, паведамілі ў прэс-службе Вярхоўнага суда Беларусі.

Былы генэральны дырэктар прадпрыемства Ўладзімір Мальцаў абвінавачваецца па ч.3 арт.424 КК Беларусі.

Топ-мэнэджар абвінавачваецца ў злоўжываньні службовымі паўнамоцтвамі ў ходзе выкананьня дзяржпраграмы па мадэрнізацыі прадпрыемства, якое прывяло да цяжкіх наступстваў у выглядзе нанясеньня ўрону ў асабліва буйным памеры на суму звыш 18 млрд. рублёў.

Таксама сярод наступстваў дзеяньняў гендырэктара — зрыў тэрмінаў па рэалізацыі дзяржаўнай праграмы па мадэрнізацыі.

БелТА/nn.by/аз