Палярнае зьзяньне ў Беларусі

Незвычайную для Беларусі прыродную зьяву маглі ўбачыць жыхары краіны ноччу зь пятніцы на суботу. Фотаздымкі палярнага зьзяньня ў Чэрвеньскім раёне Менскай вобласьці зьмясьціў у сеціве Віктар Малышчыц.

«Сёньня ноччу ўся плянета чакала яркае палярнае зьзяньне: на Сонцы адбыліся дзьве магутныя ўспышкі, плазма ад якіх рухалася якраз у бок Зямлі. Прадказвалі яркае зьзяньне нават на нашай шыраце. Прасядзеў усю ноч на адным з азёраў у Чэрвеньскім раёне, і зьзяньне сапраўды зьявілася каля поўначы!», - напісаў аўтар здымкаў.

Палярнае зьзяньне неўласьцівае нашым шыротам, але здараецца пры высокай сонечнай актыўнасьці.

Хартыя'97/нг