У менскіх дварах ліквідуюць клумбы з аўтамабільнымі шынамі

Імправізаваныя клумбы з адпрацаваных шын і элемэнты „дэкору” з плястыкавых бутэлек ля пад'ездаў сталічных дамоў зьнікнуць ужо восеньню. Пра гэта расказала галоўны спэцыяліст ГА „Менская гарадзкая жыльлёвая гаспадарка” Зінаіда Ставер.

Яшчэ ў пачатку гэтага года ў рабочыя групы Менгарвыканкама па навядзеньні парадку на зямлі было адпраўлена даручэньне дэмантаваць такія аб'екты самадзейнага афармленьня на ўнутрыдваровых тэрыторыях. Меркаваньні тут, перш за ўсё, экалягічнага парадку. Але й з эстэтычнага пункта гледжаньня да шын-клумб нямала прэтэнзій.

Асноўная частка такіх імправізаваных кветнікаў на тэрыторыях двароў, падкантрольных МЖКХ, ужо ліквідаваная.

minsknews.by/аз