„Дынама” стане лёгкаатлетычным стадыёнам

Пасьля рэканструкцыі менскага „Дынама” арэна страціць права на правoджаньне міжнародных футбольных матчаў. Стадыён стане лёгкаатлетычным аб’ектам.

На мінулым тыдні архітэктурна- горадабудаўнічы савет ухваліў эскізную прапанову рэканструкцыі стадыёна „Дынама”. Вядома, што замест 40 тысяч глядацкіх месцаў на стадыёне будзе каля 20 тысяч, ён стане лёгкаатлетычным.

„Гэта зьвязана з тым, што лёгкаатлетычныя стадыёны не запаўняюцца больш чым на 16 тысяч гледачоў, як паказвае вопыт правядзеньня спартыўных мерапрыемстваў у нашай краіне. Футбольныя стадыёны, вядома, могуць нашмат больш людзей зьбіраць. Будзе магчымасьць праводзіць на стадыёне „Дынама” й футбольныя спаборніцтвы, але не міжнароднага, а нацыянальнага ўзроўню”, - кажа кіраўнік архітэктурнай майстэрні „Менскпраект” Тарас Дземура.

tut.by/nn.by/аз