Беларусь запрасілі будаваць касмадром

Губэрнатар Амурскай вобласьці Алег Кажамяка прапанаваў Беларусі ўзяць удзел у будаўніцтве касмадрома “Усходні”. З такой прапановай кіраўнік расейскага рэгіёну зьвярнуўся да беларускага боку падчас сёньняшняй сустрэчы ў Менску з Аляксандрам Лукашэнкам. На думку губэрнатара, гэта доўгачасовы праект, разьлічаны да 2030 года. «Мы гатовыя стварыць усе неабходныя ўмовы для працы беларускіх спэцыялістаў», — запэўніў Кажамяка.
У сваю чаргу першы віцэ-прэм'ер Беларусі Уладзімір Сямашка, які ўдзельнічаў у сустрэчы, прапанаваў комплексна падысьці да гэтага пытаньня й задзейнічаць беларускіх будаўнікоў і пры ўзьвядзеньні гарадка пры касмадроме, разьлічанага прыкладна на 40 тыс. чалавек, і пры стварэньні спадарожнай інфраструктуры.

nn.by/белапан/вс