Пакуль ніхто ня хоча купляць МТС

Беларусь пакуль ня мае заявак на ўдзел у аўкцыёне па продажы дзяржаўнай долі сотавага апэратара МТС, паведаміў старшыня Дзяржаўнага камітэта па маёмасьці Беларусі Рыгор Кузьняцоў.
Пры гэтым ён нагадаў, што апошні тэрмін падачы заявак на ўдзел у конкурсе - 5 лютага.
У канцы 2013 года Беларусь абвясьціла новы конкурс па продажы долі МТС, зьнізіўшы пачатковую цану з аднаго мільярда да 863 мільёнаў даляраў.
Конкурсны адбор інвэстара адбудзецца 6 лютага 2014 года. Беларусь, якой належыць 51% акцый МТС, ужо некалькі гадоў безвынікова спрабуе прадаць свой пакет у кампаніі. Некалькі конкурсаў былі прызнаныя неспраўднымі.

риа новости/tut.by/вс