"Раснафта" можа страціць у Беларусі каля 20 млн. даляраў

"Раснафта" можа страціць у Беларусі каля 20 млн. даляраў. Такія страты кампанія зазнае ад зьніжэньня паставак нафты ў Беларусь у чацьвёртым квартале 2013 года.

Нагадаем, што кампанія "Транснафта" плянуе ў чацьвёртым квартале зьменшыць аб'ём прапампоўкі па трубаправодзе ў беларускім напрамку на 400 тыс. тон. У кампаніі патлумачылі гэта неабходнасьцю замены трубаў. Аднак большасьць экспэртаў адзначае, што такая мера была прынятая пасьля арышту ў Менску гендырэктара "Уралкалія" Уладзіслава Баўмгертнэра.

"Раснафта" незадаволеная рашэньнем "Транснафты". Старшыня праўленьня “Раснафты” Ігар Сечын ня выключыў, што нафту ў Беларусь давядзецца перавозіць па чыгунцы. "Мне трэба на Мазырскі НПЗ, на свой актыў пастаўляць нафту. Калі будуць скарачаць аб'ёмы паставак прапарцыйна, я пацярплю больш за ўсіх. Таму я чакаю тлумачэньняў", — дадаў ён.

эўрарадыё/вс