Берасьцейская крэпасьць пазбаўляецца ад сьмецьця

Берасьцейская крэпасьць пазбаўляецца ад сьмецьця. Па словах будаўнікоў, у бліжэйшыя дні яно будзе вывезена на адмысловы палігон.

Праблема была паднятая грамадзкімі актывістамі, адзначае берасьцейскі краязнаўца Валеры Фамінскі:

„Камнедрабільныя прыстасаваньні робяць з гэтага будаўнічага сьмецьця карысныя будматэрыялы. Але было б лепш, калі б яны рабілі гэта не на тэрыторыі Берасьцейскай крэпасьці, помніка гісторыі нулявой катэгорыі, а дзе-небудзь у прамысловай зоне”, - кажa краязнаўца.

Ён спадзяецца, што ў хуткім часе будаўнічае сьмецьце будзе вычарпана й больш яго завозіць ня будуць.

Нагадаем, што горы будаўнічага сьмецьця ўзьніклі некалькі тыдняў таму непадалёк ад Кобрынскага ўмацаваньня крэпасьці. З боку памежнікаў парушэньняў заканадаўства выяўлена не было.

racyja.com/аз