Лукашэнка сустрэнецца з прэзыдэнтам Лаоса

Прэзыдэнт Лаоскай Народна-Дэмакратычнай Рэспублікі Чумалі Саясон прыбыў з афіцыйным візытам у Беларусь, перадае карэспандэнт БЕЛТА.

Афіцыйныя перамовы Аляксандра Лукашэнкі й Чумалі Саясона адбудуцца 1 ліпеня. Чакаецца, што па іх выніках бакі падпішуць дакумэнты аб разьвіцьці супрацоўніцтва ў розных сфэрах.

Саясон сустрэнецца з кіраўніцтвам урада й Нацыянальнага сходу Беларусі, наведае прамысловыя й сельскагаспадарчыя прадпрыемствы, гісторыка-культурныя аб'екты.

Аб'ём тавараабароту паміж Беларусьсю й Лаосам ў студзені-сакавіку 2013 склаў амаль $ 190 тыс. У асноўным за кошт беларускага экспарту.

дг/Белта