У Менску ў кастрычніку пройдзе саміт СНД

Пра гэта заявіў учора міністар замежных спраў Беларусі Ўладзімер Макей на сустрэчы з прадстаўнікамі СМІ аб выніках пасяджэньня Рады міністраў замежных спраў СНД у Ташкенце, паведамляе прэс-служба МЗС.

«У кастрычніку гэтага года ў Менску плянуецца правядзеньне саміту кіраўнікоў дзяржаў-удзельніц СНД. Напярэдадні адбудзецца пасяджэньне Рады міністраў замежных спраў Садружнасьці.

Нашая краіна ўжо пачала падрыхтоўку да прыезду высокіх гасьцей. Мы плянуем забясьпечыць максымальна камфортныя і дзелавыя ўмовы для працы ў лепшых традыцыях беларускай гасьціннасьці», — адзначыў Ул. Макей.

Нагадаем, 5 красавіка 2013 года ў сталіцы Ўзбэкістану прайшло чарговае пасяджэньне Рады міністраў замежных спраў Садружнасьці Незалежных Дзяржаў.

charter97.org/ эб