Полудня пасадзілі на 3,5 гады

Экс-намесьнік міністра ўнутраных спраў Яўген Полудзень асуджаны на 3,5 гады пазбаўленьня свабоды. Яго судзіла Ваенная калегія Вярхоўнага суда ў закрытым рэжыме. Былы віцэ-міністар быў арыштаваны 8 сьнежня 2011 года.
Полудня прызналі вінаватым у злоўжываньні ўладай ці службовымі паўнамоцтвамі, а таксама перавышэньні ўлады ці службовых паўнамоцтваў асобай, якая займае адказнае становішча. Суд апраўдаў Полудня ў атрыманьні хабару (100 л дызпаліва) і перавышэньні ўлады ці службовых паўнамоцтваў з карысьлівай ці іншай асабістай зацікаўленасьці.

Падчас абвяшчэньня прысуду ў зале знаходзілася жонка Полудня, некалькі сваякоў і журналісты. Да пачатку паседжаньня на кароткі час яму дазволілі пабачыцца зь непаўнагадовым сынам.
Паводле рашэньня суда ў прыбытак дзяржавы з Полудня будзе спагнана каля 9,5 мільёнаў рублёў.

БелаПАН/эўрарадыё/вс