Беларусь госьціць сэрбскага прэзыдэнта

У праграме візыту сустрэча зь беларускім вышэйшым кіраўніцтвам.

12-га сакавіка адбыліся перамовы Аляксандра Лукашэнкі з сэрбскім прэзыдэнтам у вузкім ды пашыраным складах. Бакі абмеркавалі ўвесь спэктар беларуска-сэрбскіх адносінаў, уключна з гандлёва-эканамічным і навукова-тэхнічным супрацоўніцтвам, і ўзаемадзеяньні на міжнароднай арэне.

Беларускі кіраўнік падкрэсьліў, што бакі не пачынаюць, а парцягваюць адносіны. «Сёньня ў нас ёсьць палітычная воля. Таму мы не пачынаем, а працягваем будаваць тое, што было пачатае», - заявіў Лукашэнка.

Па выніках сустрэчы бакі падпісалі сумесную заяву Беларусі й Сэрбіі аб намеры пашырыць узаемадзеяньне ў АБСЭ ды ААН. У мэтах забесьпячэньня раўнапраўнага й збалянсаванага дыялёгу па пытаньнях бясьпекі й супрацоўніцтва.

На другі дзень візыту заплянаваныя сустрэчы сэрбскай дэлегацыі зь бізнэс - коламі Беларусі, наведваньне розных аб'ектаў і прадпрыемстваў у Менску.

Паводле Белта