Валютных крэдытаў на жыльлё ня будзе

fot. Glow Images

Аб гэтым паведаміла сёньня журналістам кіраўнік Нацбанка Надзея Ермакова.

Такім чынам, Нацыянальны банк не падтрымаў ініцыятыву прэм'ер-міністра па аднаўленьні валютнага крэдытаваньня фізычных асоб на будаўніцтва жыльля.

"Сёньня няма неабходнасьці адмяняць рашэньне аб спыненьні валютнага крэдытаваньня. Шмат праблем было з дэвальвацыяй у насельніцтва", - адзначыла Надзея Ермакова. Яна паведаміла, што магчымасьць аднаўленьня валютнага крэдытаваньня фізычных асоб на будаўніцтва жыльля Нацбанк абмяркоўваў з кіраўнікамі большасьці беларускіх банкаў. Прадстаўнікі банкаў катэгарычна пярэчылі супраць такой магчымасьці.

"Акрамя таго, навошта нам фармаваць меркаваньне, што наш беларускі рубель ужо нікуды не падыходзіць, і толькі, як пішуць на форумах, а таксама некаторыя журналісты, валюта нас выратуе. Нам валюта патрэбна для іншых мэтаў", - дадала Надзея Ермакова.

БелТА/ав