Міхалок і Вольскі - намінанты "Брэнд-пэрсоны"

За дзень да абвяшчэньня вынікаў штогадовага конкурсу “Брэнд году” прафэсійнае журы раптоўна пашырыла сьпіс намінантаў на “Брэнд-пэрсону 2012”. Да вылучаных раней эстрадных артыстаў (Ларыса Грыбалёва, Анатоль Ярмоленка, Ядвіга Паплаўская ды Аляксандар Ціхановіч) і знакамітых спартоўцаў (Максім Мірны, Вікторыя Азаранка, Аляксандра Герасіменя) дадаліся пісьменьнік Андрэй Жвалеўскі, лідар гурта J:Морс Уладзімер Пугач, лідар “Ляписа Трубецкого” Сяргей Міхалок ды франтмэн “Крамбамбулі” Лявон Вольскі.
"Брэнд-пэрсона" — галоўная намінацыя конкурса "Брэнд году". У сьпісе леташніх намінантаў на сайце конкурса "Брэнд-пэрсоны" пералічаныя першымі.
Пераможцы будуць абвешчаныя 25 студзеня падчас заключнай цырымоніі конкурсу “Брэнд году 2012”, якая пачнецца вечарам у Нацыянальнай бібліятэцы.

эўрарадыё/вс