Макей возьме ўдзел у пасяджэньні СМЗС СНД

4 сьнежня ў Ашхабадзе (Туркмэністан) адбудзецца пасяджэньне Савета міністраў замежных спраў дзяржаў - удзельніц СНД (СМЗС СНД), удзел у якім возьме міністaр замежных спраў Беларусі Ўладзімір Макей.

Як паведаміў 29 лістапада на брыфінгу прэс-сакратар МЗС Андрэй Савіных, на пасяджэньні плянуецца абмеркаваць пытаньні гуманітарнага супрацоўніцтва, дакумэнты па ўзаемадзеяньні ў сфэры культуры, спорту, турызму, аховы навакольнага асяродзьдзя.

Паводле яго слоў, асаблівая ўвага будзе нададзена паглыбленьню рэгіянальных сувязяў у гуманітарнай сфэры й арганізацыі бясьпекі.

У плян уключаны мерапрыемствы, прысьвечаныя галоўнай тэме 2013 года, які стане Годам экалягічнай культуры й аховы навакольнага асяродзьдзя.

Беларуская дэлегацыя выступіць зь ініцыятывай аб падрыхтоўцы пагадненьня, што тычыцца супрацоўніцтва па ахове навакольнага асяродзьдзя. Ініцыятыва ўключае ў сябе ідэю аднаўлення міждзяржаўнага экалагічнага савета для каардынацыі сумеснай працы па выкананьні рашэньняў, што прымаюцца вышэйшымі органамі СНД.

БелаПАН /nn.by/аз