Таямнічы выбух

Магутнасьць выбуховага прыстасаваньня, якое выклікала дэтанацыю каля польска-беларускай мяжы, складала ня больш за 1 кіляграм у тратылавым эквіваленце. Нагадаем, інфармацыя пра выбух непадалёк ад мяжы паявілася 5 лістапада. Інцыдэнт быў зьвязаны быццам бы зь незаконным перасячэньнем мяжы групай нелегалаў.

Беларускае КДБ вядзе дзеяньні, ськіраваныя на выкрыцьцё аўтараў і прычыну выбуху. Як стала вядома пасьля апытаньня мясцовых жыхароў, выбух меў месца каля 21 гадзіны ў нядзелю. На месцы былі знойдзеныя фрагмэнты электрычных правадоў і платаў. Вайскоўцы Гарадзенскай памежнай групы, якія прыбылі на месца амаль адразу пасьля выбуху, знайшлі сьляды, якія вялі ў напрамку польскай мяжы. Пра парушэньне мяжы яны паведамілі польскім пагранічнікам, якія затрымалі сем нелегалаў – грамадзян Віетнаму й Афганістану.

Tut.by/нг