Інтэрнэт-тролю пагражаюць пракуратурай

Адзін з наведнікаў папулярнага блога Гродно s13 паабяцаў зьвярнуцца ў пракуратуру, калі іншы чытач сайта не перастане пакідаць абразьлівыя камэнтары.

Наведнік jendrus цытуе артыкул №130 „Распальваньне расавай, нацыянальнай або рэлігійнай варожасьці ці розні” Крымінальнага кодэксу й прыводзіць прыклады абразьлівых камэнтароў, якія пакінуў карыстальнік пад нікам Krauche.

Часьцей за ўсё падобныя камэнтары ён пакідае пад артыкуламі пра беларускую мову й культуру, ці проста пад беларускамоўнымі тэкстамі.

„Калі дадзены карыстальнік будзе працягваць у тым жа духу — я не палянуюся, зьвярнуся з заявай у пракуратуру. Галасы ў падтрымку можаце пакідаць у камэнтарах”, - паабяцаў jendrus.

nn.by/аз