У Гародні судзяць лідарку Саюзу палякаў

На старшыню непрызнанага афіцыйнай уладай Саюзу палякаў у Беларусі гарадзенская міліцыя склала пратакол пра нібыта адміністрацыйнае правапарушэньне па арт. 23.34 КаАП, а менавіта за «несанкцыянаванае» правядзеньне ў сакавіку бягучага году традыцыйнага сьвята «Казюкі» ва ўнутраным дворыку побач з польскім кансулятам 3-га сакавіка.

Анжаліка Борыс не прызнала сваёй віны, бо ладзіла кірмаш згодна са статутам СПБ. Сёлета СПБ і Генэральнае консульства Польшчы ў Горадні ладзілі «Казюкі» у дваццаты раз. Раней улады ня мелі да яго прэтэнзій.

Каля ста чалавек прыйшлі падтрымаць у судзе старшыню непрызнанага дзяржавай Саюзу палякаў Беларусі (СПБ) Анжаліку Борыс. Сярод прысутных палітык Аляксандар Мілінкевіч, журналіст Анджэй Пачобут, экс-старшыня СПБ Тадэвуш Гавін. Усе прысутныя не зьмясьціліся ў залі.

Паводле ПЦ «Вясна»/Радыё «Свабода»/юл