Віфліемскі агонь - у Беларусі

Учора вечарам на польска-беларускай мяжы каля Горадні польскія скаўты перадалі беларускім і расейскім сябрам агонь зь Віфлеема. Празь Ліду, Менск і Віцебск яго павязуць у Маскву.

Сёньня віфлеемскі агонь будзе дастаўлены у Менск. Яго ўрачыстае ўнясеньне ў сталічны архікафэдральны касьцёл адбудзецца перад сьвятой імшой у 18.30.

Віфлеемскі агонь аб'ядноўвае ня толькі жыхароў розных краін, але й прадстаўнікоў розных веравызнаньняў: святло Віфлеема трапіць як у каталіцкія, так і ў праваслаўныя сьвятыні Беларусі.

БелаПАН/вс