Беларускія ўлады павучаюць палякаў

Беларускае МЗС заклікалa польскія ўлады да добрасумленнага расьследваньня прычынаў сьмерці Анджэя Лепэра - лідара фэрмэрскай партыі „Самаабарона”.

„Заклікаем да правядзеньня аб'ектыўнага ды ўсебаковага расьслeдваньня акалічнасьцяў сьмерці польскага палітыка,”- напісана ў заяве Міністэрства замежных справаў Беларусі.

Паводле беларускага боку, Анджэй Лепэр „часта падвяргаўся ціску й перасьледу як непахісны абаронца інтарэсаў простых людзей”, а ягоная сьмерць (напярэдадні парлямэнцкіх выбараў у Польшчы), выклікае асаблівую занепакоенасьць.

Таму беларускае зьнешнепалітычнае ведамства раіць польскаму боку запрасіць да расьсьледаваньня прычынаў сьмерці Лепэра незалежных міжнародных экспэртаў.

Нагадаем, Анджэй Лепэр некалькі разоў наведаў Беларусь. У Польшчы неаднаразова выступаў у падтрымку Аляксандра Лукашэнкі.

аз