Польшча спадзяецца на амэрыканскія інвэстыцыі

Аб гэтым сказаў у эфіры Польскага радыё кіраўнік кабінэту прэзыдэнта Польшчы Кшыштаф Шчэрскі.

Кіраўніцтва краіны мяркуе, што ў новым бюджэце Эўразьвязу будзе выдзяляцца менш грошай для Польшчы, таму краіна павінна прыцягваць інвэстараў з іншых частак сьвету. Паводле Шчэрскага, гэта маглі б быць амэрыканскія бізнэсоўцы.

«Мы дзейнічаем разважліва. І калі нейкая крыніца фінансаваньня вычэрпваецца, бо такі характар эўразьвязаўскіх працэдур, то нам трэба шукаць новыя крыніцы. Трохмор’е зьяўляецца ініцыятывай, якая павінна прыцягваць новыя фінансавыя сродкі на разьвіцьцё інфраструктуры ў нашай частцы Эўропы», – падкрэсьліў кіраўнік кабінэту прэзыдэнта.

Польска-амэрыканскае эканамічнае супрацоўніцтва было адной з вядучых тэм падчас апошняга візыту Анджэя Дуды ў Злучаных Штатах. Прэзыдэнт сустракаўся з прадстаўнікамі амэрыканскіх фірмаў.

яс