Польскія пракуроры чацьвёрты дзень працуюць у Смаленску

У Смаленску польскія пракуроры распачалі чацьвёрты дзень прац пры абломках Ту-154М. Самалёт разьбіўся 9 гадоў таму на смаленскім аэрапорце «Паўночны». У катастрофе загінуў прэзыдэнт Лех Качыньскі і 95 чальцоў дэлегацыі.

Прадстаўнікі польскіх сьледчых органаў прыехалі ў Смаленск 13-ы раз. Апошні раз агляд абломкаў праводзіўся ў верасьні мінулага году. Раней дасьледавалася таксама месца катастрофы.

Папярэднія разы, а таксама цяпер працы вядуцца пад наглядам расейскага Сьледчага камітэту. Пасьля завяршэньня прац сабраны матэрыял трапіць у Маскву і толькі пасьля апісаньня пры пасрэдніцтве Генпракуратуры будзе перададзены ў Польшчу.

Расея дзевяць гадоў не дае згоды на вяртаньне Польшчы абломкаў самалёту і бартавых самапісцаў. Расейцы не пагадзіліся на паўторны допыт авіякантралёраў са Смаленска, якіх польская пракуратура абвінаваціла ў наўмысным прычыненьні катастрофы ў паветраным руху.

ав