«Марш жывых» праходзіць у Аўшвіц

Каля 10 тысяч чалавек прымае ўдзел у жалобным мерапрыемстве «Марш жывых» у былым нямецкім канцлягеры Аўшвіц-Біркенау. Групы з розных краінаў сьвету вырушылі ў трохкілямэтровы марш па дарозе, якая злучае канцлягеры Аўшвіц 1 і Біркенау.

Жалобны марш распачаўся пад сумнавядомай брамай з надпісам па-нямецку «Arbeit mach frei» («Праца робіць свабодным»), калённы рушылі пад гук шафару – яўрэйскага рытуальнага духавога музычнага інструмэнта, зроблена з рога жывёлы. 28 па ліку «Марш жывых» прыпадае на 75-ую гадавіну высылкі вугорскіх габрэяў у лягер сьмерці Аўшвіц.

Менавіта вугорскія габрэі былі самай шматлікай групай ахвяраў нацыстаў у гэтым канцлягеры. Да моманту вызваленьня Аўшвіц, нацысты зьнішчылі ў ім больш за мільён чалавек. Пераважная большасьць ахвяраў гэта габрэі, цыгане, савецкія ваеннапалонныя ды палякі.

IAR/эж