Летува адклікала пасла ў Расеі праз пагрозы ў яго адрас

Летува адклікала свайго пасла ў Расеі Рэмігіюса Матузаса для кансультацый праз пагрозы ў яго адрас, паведамляе Delfi.

У МЗС Летувы заявілі, што пасол адклікаецца для кансультацый з-за пагроз, якія атрымала пасольства, супрацоўнікі пасольства й пасол пасьля прысуду па справе „13 студзеня”

Нагадаем, 27 сакавіка 2019 году летувіскі суд прызнаў экс-міністра СССР Дзьмітрыя Язава вінаватым у ваенных злачынствах і злачынствах супраць чалавечнасьці падчас штурму тэлецэнтра ў Вільні ў 1991 годзе. Язава завочна прысудзілі да 10 гадоў турмы.

Акрамя таго, пасол Матузас мае статус спэцыяльнай сьведкі, прысвоены яму ў рамках справы аб хабары за выдачу візы, якая расьсьледуецца ў Летуве.

Прэзыдэнт Даля Грыбаўскайце падкрэсьліла, што Матузас з-за свайго статусу спэцыяльнай сьведкі па справе аб хабары кідае цень на дыпляматычную службу.

ru.delfi.lt/nn.by/аз