Каманда нарвэскага лайнэра «Viking Sky» змагла запусьціць рухавікі

У суботу ўвечары круізны лайнэр «Viking Sky» з больш чым 1300 асобамі на борце, трапіў у моцны шторм. Рухавікі карабля перасталі працаваць, судна пачало ўносіць да небясьпечных прыбярэжных рыфаў у раёне Румсдал на заходнім узьбярэжжы Нарвэгіі.

Ратаўнікі пачалі эвакуацыю пасажыраў. Ратавальная апэрацыя працягвалася да нядзельнай раніцы. Верталёты вывезьлі з карабля на бераг 338 чалавек я 1373 пасажыраў. 17 чалавек трапілі ў шпіталь, паведаміла нарвэская паліцыя. Большасьць пасажыраў – гэта англічане ды амэрыканцы.

У нядзелю раніцай каманда змагла запусьціць 3 з 4 рухавікоў. Карабель аддаляецца ад небясьпечнага месца. Судна накіроўваецца ў порт Мольдэ, паведамілі нарвэскія выратавальныя службы.

ПР/юл