Кіруючая ў Польшчы партыя можа разьлічваць на 44% падтрымкі выбаршчыкаў

З апошняга апытаньня, праведзенага сацыялягічнай лябараторыяй CBOS, вынікае, што калі б выбары ў парлямэнт Польшчы адбыліся цяпер, то пераможцам стала б кіруючая кансэрватыўна-каталіцкая партыя «Права й справядлівасьць». Яна можа заручыцца падтрымкай 44% выбаршчыкаў. У параўнаньні з папярэднім апытаньнем падтрымка партыі на чале зь Яраславам Качыньскім павялічылася на 4%.

За наймацнейшую апазыцыйную права-цэнтрысцкую партыю «Грамадзянская плятформа» маюць намер галасаваць 20% выбаршчыкаў. Працэнтны бар'ер з падтрымкай на ўзроўні 5% пераадолеў бы парлямэнцкі рух «Кукіз ʼ15». Астатнія партыі, у тым ліку, Польская сялянская партыя й Саюз левых дэмакратычных сіл, апынуліся ніжэй працэнтнага барʼеру, які ў Польшчы знаходзіцца на ўзроўні 5%.

26 мая ў Польшчы павінны прайсьці выбары ў Эўрапейскі парлямэнт. Парлямэнцкія выбары заплянаваныя на кастрычнік бягучага году.

вс