У Польшчы распачалася агульнанацыянальная жалоба

У сувязі з забойствам мэра Гданьска Паўла Адамовіча, у 17:00 паводле варшаўскага часу была абвешчана агульнанацыянальная жалоба. Жалоба будзе працягвацца да 19 гадзіны суботы. Павал Адамовіч будзе пахаваны ў базыліцы Сьвятой Марыі ў Гданьску.

Паводле распараджэньня прэзыдэнта Польшчы Анджэя Дуды, падчас агульнанацыянальнай жалобы над будынкамі органаў дзяржаўнай улады й мясцовага самакіраваньня дзяржаўныя сьцягі будуць прыспушчаны да паловы флягштоку. Нагадаем, мэр Гданьска Павал Адамовіч памёр у панядзелак 14 студзеня ў выніку нажавых раненьняў.

Палітык стаў ахвярай зламысьніка, які падбег да яго падчас дабрачыннага мерапрыемства – фіналу «Вялікай аркестры сьвяточнай дапамогі». Павал Адамовіч знаходзіўся ў цяжкім стане. Нягледзячы на намаганьні лекараў, выратаваць яго жыцьцё не ўдалося.

IAR/эж