Вядомы летувіскі палітык падазраецца ў шпіянажы на карысьць Расеі

У Летуве па падазрэньні ў шпіянажы на карысьць Расеі затрымана некалькі чалавек, у тым ліку – былы старшыня Сацыялістычнага народнага фронту Альгірдас Палецкіс.

Паводле крыніц у паліцыі, Палецкіса затрымалі з доказамі, што ён займаўся зборам інфармацыі па замове спэцслужбаў.

Альгірдас Палецкіс знаходзіцца пад вартай з кастрычніка гэтага году. Дакладная колькасьць затрыманых не называецца. Паводле генпракуратуры, агентурная дзейнасьць працягвалася доўгі час і была сьвядомай. Сярод падазраваных ёсьць адзін грамадзянін Расеі.

Паводле паліцыі, пры правядзеньні расьсьледаваньня была выяўленая цэлая сетка асоб, дзейнасьць якіх уяўляе пагрозу нацыянальнай бясьпецы Летувы.

За шпіянаж у Летуве пагражае пазбаўленьне свабоды тэрмінам ад двух да дзесяці гадоў.

вс