Форум Грамадзянскай супольнасьці УП прыняў Рэзалюцыю па Беларусі
PR dla Zagranicy
Anna Zadrożna
18.12.2018 09:11
Удзельнікі Асамблеі зьвяртаюць увагу на шматлікія парушэньні правоў чалавека ў Беларусі.
Источник: pixabay.com/СС0/Creative Commons
Асамблея Форуму грамадзянскай супольнасьці Ўсходняга партнэрства, якая прайшла ў Тбілісі, прыняла Рэзалюцыю аб парушэньні правоў чалавека й перасьледу журналістаў у Беларусі, паведамляецца на сайце БАЖ.
Удзельнікі Асамблеі зьвяртаюць увагу на шматлікія парушэньні правоў чалавека ў Беларусі й заклікаюць чыноўнікаў і структуры Эўразьвязу ва ўзаемадзеяньні зь Беларусьсю кіравацца выкананьнем правоў чалавека, як найвышэйшай каштоўнасьцю.
Паводле Форуму грамадзянскай супольнасьці Ўсходняга партнэрства, у краіне працягваюць сыстэматычна парушацца такія асноўныя правы чалавека, як свабода сходаў, асацыяцый і слова. Адсутнічае ўсёабдымнае антыдыскрымінацыйнае заканадаўства, ня створаныя эфэктыўныя мэханізмы забесьпячэньня роўнасьці й абароны ад дыскрымінацыі.
Апрача таго, улады краіны зьвяртаюцца да практыкі палітычна матываваных перасьледаў праваабаронцаў, грамадзянскіх актывістаў і плянамерна ствараюць больш жорсткія ўмовы для працы СМІ ў краіне.
baj.by/spring96.org/аз