Нарвэгія — лідар па дабрабыце ў сьвеце

Нарвэгія заняла першае месца ў глябальным рэйтынгу дабрабыту, складзеным лёнданскім Legatum Institute.

Нарвэгія заняла першае месца ў глябальным рэйтынгу дабрабыту. Лёнданскі дасьледчы цэнтар Legatum Institute апублікаваў рэйтынг «Росквіт» (Prosperity Ranking) з улікам ня толькі ВУП, але і многіх сацыяльных фактараў: ад адукацыі да якасьці аховы здароўя і грамадзянскіх свабод.

За Нарвэгіяй ідуць: Новая Зэляндыя і Фінляндыя. Далей — Швайцарыя, Данія, Вялікабрытанія і Канада.

Польшча заняла 33-е месца ў рэйтынгу. Гэта падзеньне на адну пазыцыю.

Пры стварэньні рэйтынгу былі прааналізаваны даныя з больш як 100 арганізацый: ад Сусьветнага банка да Міжнароднай арганізацыі аховы здароўя, Інстытута Гэлапа.

Legatum Institute знаходзіцца ў Лёндане. Яго ўзначальвае кансэрватыўная баранэса Філіпа Страўд (Philippa Stroud).

IAR/PAP/вк