У Менску зладзілі велапарад для дзяўчат і абралі „Веламіс”

У нядзелю ў Менску правялі велапарад для дзяўчат і абралі „Веламіс”. Сёлетняя імпрэза сабрала каля 1000 удзельніц, якія апрануліся ў стылі „роварнага шыку” й змагаліся за перамогу ў розных намінацыях.

Спачатку адбыўся велазаезд ад ГЗЦ Galleria Minsk да ГЦ „Замак” і назад. Пасьля велазаеда каля 200 удзельніц зарэгістраваліся непасрэдна на конкурсы. Дзяўчаты мусілі паказаць уменьне танчыць на ровары, круціць пэдалі велатрэнажора й прайсьці па „чырвонай дарожцы” разам з роварам.

Першае месца дасталася Кацярыне Шанталь, другое — Аксане Гайтулінай, трэцяе — Паліне Маханавай.

tut.by/euroradio.fm/аз