Павялічваецца балянс ахвяраў паводкі ў Індыі

Сэзон дажджоў у Індыі пачынаецца пры канцы траўня, за гэты час загінула 357 чалавек, паведамілі ў нядзелю мясцовыя ўлады. Пры гэтым за апошні дзень загінулі 33 асобы.

Няспынныя мусонныя дажджы ў Індыі часта выклікаюць паводкі і апоўзьні. Асабліва моцныя дажджы пачаліся на пачатку жніўня, тады ў выніку паводкі ў штаце Керала загінула 227 чалавек.

Індыйскія мэтэаралягічныя службы паведамілі ў нядзелю, што дождж працягвае падаць толькі ў двух месцах у штаце Керала, і ўзровень вады ў некаторых раёнах пачаў апускацца.

Аднак паводка пакінула каля 350 тысяч чалавек засталіся без даху над галавой, і яны вымушаныя шукаць прытулку ў намётавых лягерах. Ужо арганізавана каля 3 тысяч такіх лягераў. Вада зьнішчыла таксама дарогі і больш за 130 мастоў, што дадаткова ўскладняе выратавальную апэрацыю.

Паводле папярэдніх ацэнак мясцовых уладаў, страты ад паводкі сягаюць 2,9 мільярдаў даляраў.

Кожны год у выніку паводак, выкліканых мусоннымі дажджамі ў Індыі гіне некалькі сотняў чалавек. Сэзон дажджоў доўжыцца з чэрвеня па верасень. У гэтым годзе ў сямі штатах ужо загінула больш за 1000 чалавек.

PR/юл