У Эўропе можа быць пабіты тэмпэратурны рэкорд

Сыноптыкі прагназуюць, што ў бліжэйшыя дні ў Эўропе можа быць пабіты рэкорд самай высокай тэмпэратуры. Цяперашні належыць Атэнам, дзе ў ліпені 1977 году было 48 градусаў па Цэльсію.

Пад уплывам гарачага паветра з Афрыкі тэмпэратура расьце, між іншым, у Гішпаніі і Партугаліі. У пятніцу і суботу, паводле сыноптыкаў, тэрмомэтры ў гэтых краінах пакажуць 47 градусаў.

Мэтэаролягі з Пірэнэйскага паўвострава прагназуюць, што ў бліжэйшыя дні тэмпэратура дасягне рэкорднага ўзроўню з Атэн. Не выключаецца, што будзе пабіты эўрапейскі рэкорд 41-гадовай даўніны.

Нагадаем, заўсёды падаецца тэмпэратура ў цяні.

ав