Амэрыканская вайсковая прысутнасьць у Польшчы істотна павялічыцца

Рашэньне аб павелічэньні амэрыканскага вайсковага кантынгенту ў Польшчы павінна быць прынятае на працягу бліжэйшых месяцаў. Пра гэта заявіў міністар замежных спраў Польшчы Яцэк Чапутовіч, які зараз знаходзіцца з візытам у Вашынгтоне.

Дадзенае пытаньне польскі міністар абмяркоўваў з дарадцам прэзыдэнт ЗША па пытаньнях бясьпекі Джонам Болтанам. У прыватнасьці, Яцэк Чапутовіч заявіў: «Мы гатовыя панесьці пэўныя выдаткі на разьвіцьцё інфраструктуры для амэрыканскага войска ў Польшчы».

Палітык падкрэсьліў, што адпраўка ў Польшчу дадатковых амэрыканскіх войскаў не павінна ажыцьцяўляцца за кошт памяншэньня ваеннай прысутнасьці ЗША ў Нямеччыне.

Польскі міністар, удакладніў што амэрыканскія жаўнеры ў Нямеччыне зьяўляюцца важым фактарам бясьпекі ў рэгіёне.

эж