Новы пасол Польшчы ўручыў копіі даверчых грамат кіраўніку МЗС
Новы пасол Польшчы Артур Міхальскі 12 чэрвеня ўручыў копіі даверчых грамат міністру замежных спраў Беларусі Ўладзіміру Макею, паведамляе прэс-служба МЗС.
Бакі абмеркавалі шырокі спэктар пытаньняў беларуска-польскага супрацоўніцтва, адзначаная станоўчая дынаміка двухбаковых палітычных кантактаў і парлямэнцкіх сувязяў, а таксама рост гандлёвага абароту паміж дзьвюмя краінамі. Макей і Міхальскі «пагадзіліся зь неабходнасьцю спрыяць далейшаму паляпшэньню клімату даверу і ўзаемаразуменьня паміж Беларусьсю й Польшчай, а таксама павышаць якасьць і практычную аддачу ад двухбаковых кантактаў», адзначаецца ў паведамленьні.
Артур Міхальскі быў прызначаны на пасаду пасла Польшчы ў Беларусі ў траўні гэтага году. Ён скончыў Акадэмію каталіцкага багаслоўя. У 1991–1996 гадах быў другім, а затым першым сакратаром пасольства Польшчы ў Маскве.
У 1996–1997 гадах Міхальскі кіраваў расейскім дэпартамэнтам у Цэнтры ўсходніх дасьледаваньняў. У 1997–2000 гадах працаваў у дэпартамэнце Ўсходняй Эўропы МЗС Польшчы. У 2000–2004 гадах Міхальскі займаў пасаду першага сакратара, а затым дарадчыка пасольства Польшчы ў Вашынгтоне. З 2004 да 2006 году працаваў у дэпартамэнце Амэрыкі МЗС Польшчы. У 2006–2010 гады Міхальскі ўзначальваў польскае пасольства ў Канадзе.
Пасьля вяртаньня ў Варшаву займаў пасаду намесьніка дырэктара, а затым дырэктара Ўсходняга дэпартамэнту МЗС.
У 2012–2017 гадах ён быў паслом Польшчы ў Малдове. Са жніўня 2017 года Міхальскі зноў займаў пасаду дырэктара Ўсходняга дэпартамэнту Міністэрства замежных спраў.
Новы пасол Польшчы Артур Міхальскі 12 чэрвеня ўручыў копіі даверчых грамат міністру замежных спраў Беларусі Ўладзіміру Макею, паведамляе прэс-служба МЗС.
Бакі абмеркавалі шырокі спэктар пытаньняў беларуска-польскага супрацоўніцтва, адзначаная станоўчая дынаміка двухбаковых палітычных кантактаў і парлямэнцкіх сувязяў, а таксама рост гандлёвага абароту паміж дзьвюмя краінамі. Макей і Міхальскі «пагадзіліся зь неабходнасьцю спрыяць далейшаму паляпшэньню клімату даверу і ўзаемаразуменьня паміж Беларусьсю й Польшчай, а таксама павышаць якасьць і практычную аддачу ад двухбаковых кантактаў», адзначаецца ў паведамленьні.
Артур Міхальскі быў прызначаны на пасаду пасла Польшчы ў Беларусі ў траўні гэтага году. Ён скончыў Акадэмію каталіцкага багаслоўя. У 1991–1996 гадах быў другім, а затым першым сакратаром пасольства Польшчы ў Маскве.
У 1996–1997 гадах Міхальскі кіраваў расейскім дэпартамэнтам у Цэнтры ўсходніх дасьледаваньняў. У 1997–2000 гадах працаваў у дэпартамэнце Ўсходняй Эўропы МЗС Польшчы. У 2000–2004 гадах Міхальскі займаў пасаду першага сакратара, а затым дарадчыка пасольства Польшчы ў Вашынгтоне. З 2004 да 2006 году працаваў у дэпартамэнце Амэрыкі МЗС Польшчы. У 2006–2010 гады Міхальскі ўзначальваў польскае пасольства ў Канадзе.
Пасьля вяртаньня ў Варшаву займаў пасаду намесьніка дырэктара, а затым дырэктара Ўсходняга дэпартамэнту МЗС.
У 2012–2017 гадах ён быў паслом Польшчы ў Малдове. Са жніўня 2017 года Міхальскі зноў займаў пасаду дырэктара Ўсходняга дэпартамэнту Міністэрства замежных спраў.
белапан/вс
Міністар замежных справаў Беларусі Ўладзімір Макей (справа) і пасол Польшчы ў Беларусі Артур Міхальскі