У Варшаве – найдаражэйшыя ў Эўропе смартфоны й найтаньнешыя кватэры

У Варшаве ў параўнаньні зь іншымі гарадамі Эўропы найтаньнейшы інтэрнэт і абанэмэнт у спартыўную залю, але найдаражэйшая апошняя мадэль смартфона IPhone – прыкладна на 300 даляраў больш у параўнаньні з краінамі Заходняй Эўропы. У польскай сталіцы сярэдняя зарплата – 1128 даляраў «на рукі». Пры гэтым Варшава займае 35 месца сярод 50 важнейшых гарадоў сьвету па даходах.

Як вынікае са справаздачы Deutsche Bank, кошт арэнды 2-пакаёвай кватэры ў 2-3 разы меншы чым у сталіцах Францыі, Швэйцарыі й Вялікабрытаніі, ня кажучы пра амэрыканскія мэтраполіі. Але, напрыклад, арэнда аўтамабіля на суткі ў Варшаве каштуе каля 160 даляраў – столькі ж, колькі ў даражэйшых эўрапейскіх гарадах: Парыжы, Мілане й Осла. А вось гарадзкі транспарт найтаньнейшы ў Эўропе.

Акрамя таго, Варшава можа пахваліцца невысокімі коштамі ва ўстановах грамадзкага харчаваньня.

вс