Пасольства ЗША ў Латвіі абвясьціла стан тэрарыстычнай трывогі для амэрыканцаў

Амбасада ЗША ў Латвіі заклікае сваіх грамадзян на тэрыторыі гэтай краіны да пільнасьці ў сувязі з пагрозай тэрактаў супраць амэрыканцаў. Пад пагрозай могуць апынуцца нават дзеці – зазначае дыппрадстаўніцтва.

«Тэрарысты могуць выкарыстоўваць розныя тактыкі, у тым ліку напады і кіднапінг. Іх мэтай могуць быць школы, бальніцы, цэрквы, турыстычныя аб’екты, транспартныя вузлы і інш.– папярэджвае кіраўнік амэрыканскага дыппрадстаўніцтва ў апублікаванай сёньня заяве.

Папярэджаньне тычыцца ўсёй тэрыторыі Латвіі.

Акрамя таго, рэкамэндуецца грамадзянам ЗША «трымацца ў цяні», не прыцягваць да сябе ўвагу і старанна кантраляваць навакольле і ў выпадку ўзьнікненьня надзвычайнай сытуацыі паведаміць у мясцовыя органы ўлады.

Дыпляматычная місія ЗША не тлумачаць прычыны, якія сталі асновай для такіх папярэджаньняў. Адна з іх – гэта, магчыма, масавае сьвяткаваньне заканчэньня Другой сусьветнай вайны, якое кожны год 9 мая арганізуе ў Рызе і іншых гарадах Латвіі расейская нацменшасьць.

яс