Польскае радыё вось ужо 20 гадоў падтрымлівае гарадзенскую школу

Польскае радыё зьяўляецца адным з патронаў Гарадзенскай школы №36 у Горадні. Цягам 20 гадоў Польскае радыё аказала істотную падтрымку польскім дзецям у Беларусі, паведамляе Варшаўскае таварыства сяброў Горадні й Вільні. Радыёстанцыя падарыла, у прыватнасьці, кампутары, аўдыётэхніку, спартовыя снарады, сувэніры. А ў эфіры станцыі праходзілі акцыі й збор сродкаў на летні адпачынак дзяцей зь Беларусі ў Польшчы.

У школе ў Горадні рыхтуюцца шматлікія мерапрыемствы, прымеркаваныя да 100¬-годзьдзя незалежнасьці Польшчы. У прыватнасьці, заплянаваныя ўрачыстая лінейка, лекцыі, сустрэчы з выдатнымі палякамі, выставы, спартовыя спаборніцтвы.

Варшаўскае таварыства сяброў Горадні й Вільні актыўна падтрымлівае польскую асьвету ў Беларусі вось ужо 26 гадоў. У прыватнасьці, таварыства дапамагло пабудаваць польскія школы ў Горадні й Ваўкавыску.

яс