Рада бясьпекі ААН плянуе пасяджэньне па хіматацы ў Сырыі

Рада бясьпекі ААН плянуе ў панядзелак, 9 красавіка, правесьці экстраннае пасяджэньне па прычыне хімічнай атакі ў Сырыі. Пра гэта прадстаўніцтва Вялікабрытаніі пры ААН паведаміла ў сацсетцы Twitter. У пасяджэньні прымуць удзел дзевяць краін.

«Вялікабрытанія, Францыя, ЗША, Польшча, Нідэрлянды, Швэцыя, Кувэйт, Пэру й Кот-д'Івуар заклікалі правесьці экстраннае пасяджэньне Рады бясьпекі ААН для абмеркаваньня паведамленьняў аб прымяненьні хімічнай зброі ў Сырыі. Сустрэча чакаецца ў панядзелак», – гаворыцца ў паведамленьні.

Нагадаем, 7 красавіка ўзброеныя сілы Асада аднавілі атакі на апошнюю непадкантрольную тэрыторыю ва Ўсходняй Гуце – горад Дума.

Пасьля гэтага сырыйскі цэнтар маніторынгу за выкананьнем правоў чалавека заявіў, што ў Думе з-за скінутых урадавымі сіламі «бомбаў з хімрэчывам» загінулі 11 чалавек. СМІ пішуць пра 70 загінуўшых.

корреспондент/вс