Прадаецца польская кампанія па вытворчасьці аўтобусаў Solaris

Аўтобусны завод працуе ў Вялікапольскім ваяводзтве (заходняя частка Польшчы). Сем кампаній жадаюць купіць Solaris. Сярод патэнцыйных пакупнікоў кампаніі з Кітая і Турцыі.

Дзяржаўная арганізацыя Польскі фонд разьвіцьця разглядае магчымасьць куплі да 30% акцый кампаніі.

Уладальнікі – сужонская пара Саланж і Кшыштаф Альшэўскія (Solange i Krzysztof Olszewscy) гатовыя прадаць 100 працэнтаў акцый Solaris.

У завяршэньні зьдзелкі павінна дапамагчы нямецкая кампанія Goetzpartners. Нямецкія аўтамабільныя канцэрны Mercedes ці Man не зацікаўленыя ў набыцьці польскага аўтазаводу.

Кампанія Solaris зьяўляецца эўрапейскім лідэрам па вытворчасьці сучасных сродкаў грамадзкага транспарту. Вырабляе аўтобусы, тралейбусы і трамваі.

яс/Dziennik.Gazeta Prawna