У Варшаве былі ўручылі дакумэнты ідэнтыфікацыі ахвяр таталітарызму

У Прэзыдэнцкім Палацы ў Варшаве былі ўручаныя дакумэнты ідэнтыфікацыі ахвяр таталітарызму. Дакумэнты атрымалі 22 сем’і ахвяр таталітарных сыстэмаў.

Прэзыдэнт Анджэй Дуда падкрэсьліў, што пасьля дзесятак гадоў удалося знайсьці месцы, дзе знаходзіліся астанкі ахвяр камуністычнага і фашысцкага таталітарызму. Такім чынам людзі, якія змагаліся за вольную Польшчу, могуць быць нарэшце нармальна пахаваныя.

Пошукі астанкаў ахвяр часоў Другой сусьветнай вайны і камуністычнага тэрору ў Польшчы праводзіць Інстытут нацыянальнай памяці.

Толькі ў мінулым годзе супрацоўнікі Інстытуту праводзілі пошукі ў некалькіх дзесятках месцаў у Польшчы і за мяжой. Найдаўжэй, бо тры месяцы працягваліся раскопкі на ваенных могілках «Павонзкі» (Powązki) у Варшаве.

Да гэтага часу было ідэнтыфікаванае месца пахаваньняў 80 чалавек.

яс