Іран правёў пасьпяховае выпрабаваньне ракеты сярэдняга радыюсу

Улады Ірану заявілі, што краіна правяла пасьпяховае выпрабаваньне новай балістычнай ракеты сярэдняга радыюсу.

Дзяржаўнае тэлебачаньне паказала здымкі з запуску ракеты. Падобная ракета была паказаная падчас ваеннага параду, які ўчора прайшоў у Тэгеране. Падчас учарашняга параду іранскі прэзыдэнт Хасан Рухані заявіў пра павелічэньне ракетнага арсэналу краіны. Палітык адзначыў, што Іран ня будзе ў нікога прасіць на гэта дазволу.

Іранскія СМІ паведамляюць, што ў адным з паказаных відаў зброі ёсьць балістычная ракета Харамшахр сярэдняга радыюсу, здольная праляцець да цэлі 2000 км. Паведамляецца, што зброя можа пераносіць некалькі боегаловак.

Ракета названая як іранскі горад Харамшахр, занятым ірацкімі сіламі падчас іранска-ірацкай вайны ў 80-х гадах.

ав