У Лёндане ў нядзелю фургон урэзаўся ў натоўп вернікаў мячэці

У Лёндане ў нядзелю фургон урэзаўся ў натоўп вернікаў мячэці, якія вярталіся з вячэрняй малітвы. Паводле брытанскай паліцыі, адзін чалавек памёр на месцы, а 10 атрымалі раненьні. Кіроўца аўтамабіля арыштаваны.

Прэм'ер-міністар Вялікабрытаніі Тэрэза Мэй сказала, што паліцыя разглядае інцыдэнт як тэракт.
Кіраўнік Рады мусульман Вялікабрытаніі Харун Рашыд Хан напісаў у адной з сацыяльных сетак, што кіроўца наўмысна наехаў на людзей, якія выходзілі пасьля малітвы ў сьвяты для мусульман месяц Рамадан.

Арыштаванаму кіроўцы 48 гадоў.

Як паведамлялася, 4 чэрвеня ў Лёндане мікрааўтобус на вялікай хуткасьці ўрэзаўся ў натоўп пешаходаў на Лёнданскім мосьце. У выніку інцыдэнту загінулі сем чалавек, каля 50 атрымалі раненьні. Адказнасьць за тэракт на сябе ўзяла тэрарыстычная арганізацыя “Ісламская дзяржава”.

вс