Сёньня пачынаецца сумеснае беларуска-расейска-сэрбскае вучэньне

У Берасьцейскім раёне 6 чэрвеня, у аўторак, пачынаецца сумеснае беларуска-расейска-сэрбскае ваеннае вучэньне “Славянскае братэрства-2017”. Яно пройдзе на палігоне “Брэсцкі” й на ўчастку ракі Мухавец.

Зь беларускага боку будуць задзейнічаны падразьдзяленьні 38-й асобнай гвардзейскай дэсантна-штурмавой брыгады сіл спэцыяльных апэрацый, з расейскага боку — дэсантнікі з 76-й гвардзейскай дэсантна-штурмавой дывізіі, з сэрбскага — спэцыяльная брыгада Ўзброеных сіл Рэспублікі Сэрбія.

Кіраваць “Славянскім братэрствам-2017” будзе камандуючы сіламі спэцаперацый Узброеных сіл Беларусі генэрал-маёр Вадзім Дзянісенка. Вайскоўцы трох краін адпрацуюць задачы па барацьбе з тэрарызмам. Вучэньні працягнуцца да 15 чэрвеня.

белта/эўрарадыё/вс

здымак мае ілюстрацыйны характар