LOT адкрыў спалучэньні з Лос-Анджэлесам

Сёньня польскія авіялініі LOT адкрываюць спалучэньні з Лос-Анджэлесам у Злучаных Штатах Амэрыкі. Першы самалёт выляцеў з варшаўскага аэрапорта імя Шапэна а 16.30 паводле польскага часу.

Палёт у ЗША будзе доўжыцца больш за 12 гадзін і гэта будзе самы доўгі рэйс польскіх авіялініяў без прызямленьня для дазапраўкі. Як кажа старшыня авялініяў Рафал Мільчарскі (Rafał Milczarski), Лос-Анджэлес – гэта чарговы горад у Паўночнай Амэрыцы, куды лётаюць польскія самалёты. Нагадаем, LOT абслугоўвае спалучэньні з Варшаву ў аэрапорты ў Нью-Ёрку, Таронта й Чыкага.

Са студзеня мінулага году польскі авіяперавозчык разбодоўвае сетку міжкантынэнтальных рэйсаў. У студзені 2016 году ён запусьціў рэйсы ў Токіё. У кастрычніку - у Сэул.

У мінулым годзе LOT адкрыў агулам больш за 20 новых міжнародных маршрутаў.

аз