Вашчыкоўскі сустрэўся з дарадчыкам Трампа па справах рэлігій

Міністар замежных спраў Польшчы Вітальд Вашчыкоўскі (Witold Waszczykowski) сустрэўся з дарадчыкам прэзыдэнта Дональда Трампа па справах рэлігій Ралфам Рыдам (Ralph Reed), які быў зь візытам у Варшаве. Як напісана ў паведамленьні польскага МЗС, падчас размовы абмяркоўваліся польска-амэрыканскія адносіны, у тым ліку пэрспэктывы больш цеснага супрацоўніцтва Польшчы з новай адміністрацыяй ЗША.

Міністар Вашчыкоўскі падкрэсьліў, што ЗША зьяўляюцца ключавым саюзьнікам Польшчы. Паводле яго, галоўным фундамэнтам польска-амэрыканскіх адносінаў застаецца супрацоўніцтва ў галіне бясьпекі й абароны, хоць нельга забываць таксама пра палітычны й эканамічны аспэкты супрацы.

Кіраўнік польскай дыляматыі выказаў спадзяваньне, што двухбаковыя стасункі з новай адміністрацыяй ЗША будуць працягваць разьвівацца так плённа, як і раней.

Ралф Рыд знаходзіўся ў Польшчы з дакладамі для хрысьціянскіх лідараў.

аз