Дэпутаты Эўрапарлямэнту пазбавілі імунітэту Марын Ле Пэн

Дэпутаты Эўрапарлямэнту пазбавілі імунітэту Марын Ле Пэн. Нацыяналістычны палітык зьяўляецца адначасова кандыдатам на пасаду прэзыдэнта Францыі ў бліжэйшых прэзыдэнцкіх выбарах. Ле Пэн пазбаўленая дэпутацкай недатыкальнасьці за публікацыю ў сацыяльнай сетцы фотаздымкаў тэрарыстаў «Ісламскай дзяржавы».

Дзякуючы імунітэту Марын Ле Пэн не магла быць пастаўленая перад судом. Рашэньне Эўрапарлямэнту азначае, што палітык можа адказваць у судовым парадку за публікацыю жахлівых фотаздымкаў. За гэта пагражае да трох гадоў пазбаўленьня свабоды й штраф у памеры да 75 тыс. эўра.

Лідарка францускай партыі «Нацыянальны фронт» знаходзіцца пад сьледзтвам у Францыі за разьмяшчэньне ў «Твітэры» ў канцы 2015 году трох фатаграфій пакараньня тэрарыстамі ІД, у тым ліку абезгалоўліваньня амэрыканскага журналіста Джэймса Фолі.

вс