Украіна адрэагавала на заяву Ле Пэн наконт Крыма

Украінскі МЗС пратэстуе супраць выказваньня Марын Ле Пэн па справе Крыма. Нагадаем, кандыдатка ў прэзыдэнты Францыі, лідарка партыі „Нацыянальны фронт” заявіла ў інтэрвію тэлеканалу BFMTV, што разглядае расейскую акупацыю паўвыспы як законную.

На думку ўкраінскага МЗС, францускі палітык паўтарае тэзіс расейскай прапаганды.

У сваёй заяве МЗС Украіны нагадае, што агрэсію на Ўкраіну й анэксію Крыма асудзілі ўсе цывілізаваныя краіны, а Марын Ле Пэн, паўтараючы прапаганду Крамля, падрывае сувэрэнітэт і тэрытарыяльную цэласнасьць Украіны й ігнаруе прынцыпы міжнароднага права.

Паводле ўкраінскага боку, заявы францускага палітыка парушаюць заканадаўства Ўкраіны й сустрэнуцца з адпаведнымі наступствамі, то бок забаронай уезду ва Ўкраіну.

аз