Сырыйскія паўстанцы замарозілі перамовы аб замірэньні

Сырыйскія паўстанцкія групы вырашылі замарозіць усе размовы пра іх удзел у мірных перамовах, пакуль урад у Дамаску і ягоныя іранскія саюзьнікі не спыняць парушаць перамір'е – гаворыцца ў паведамленьні паўстанцаў, зьвязаных з Свабоднай сырыйскай арміяй.

Яны падкрэсьліваюць, што любыя новыя тэрытарыяльныя захопы ўрадавай арміі і яе саюзьнікаў будзе азначаць канец перамір'я, якое ўступіла ў сілу пры канцы мінулага году.

Расея, якая нароўні з Турцыяй і Іранам была адным з мэдыятараў замірэньня, рыхтуе мірныя перамовы. Яны маюцца адбыцца ў сталіцы Казахстана – Астане.

Аднак паўстанцы завілі, што ня возьмуць удзелу ў перамовах, пакуль сырыйскі рэжым не перастане страляць. Апроч таго, яны выказалі сумневы ў здольнасьці Расеі прымусіць урад у Дамаску выконваць перамір'е.

ПР/юл