Прэзыдэнт сустрэўся зь Яраславам Качыньскім і сьпікерам Сэйму
PR dla Zagranicy
Jolanta Śmiałowska
19.12.2016 17:05
Гэта чарговы этап дзеяньняў для вырашэньня парлямэнцкага крызысу ў Польшчы.
Яраслаў Качыньскі выходзіць з Прэзыдэнцкага палацу пасьля сустрэчы з Анджэям Дудам.PAP/Tomasz Gzell
У Варшаве адбылася сустрэча прэзыдэнта Анджэя Дуды зь лідарам кіруючай партыі «Права й справядлівасьць» (ПіС) Яраславам Качыньскім і сьпікерам Сэйму Марэкам Кухціньскім. Сустрэчы прайшлі ў рамках вырашэньня палітычнага крызысу, які ахапіў краіну.
Сустрэча ў Прэзыдэнцкім палацы доўжылася амаль дзьве гадзіны. З палацу першым выйшаў Качыньскі, неўзабаве - Кухціньскі. Палітыкі нічога не сказалі журналістам.
Анджэй Дуда палітычныя кансультацыі пачаў праводзіць учора: прэзыдэнт сустракаўся зь лідарамі апазыцыйных парлямэнцкіх фракцый.
Раней польскі лідар замовіў юрыдычную экспэртызу па пытаньні галасаваньня ў парлямэнце, у тым ліку па законе аб бюджэце.
Апазыцыя дамагаецца паўторнага галасаваньня, паколькі лічыць, што сьпікер Сэйму Марэк Кухніньскі ў пятніцу парушыў правілы працы Сэйму.
яс